遲來的開箱 Avid Pulsare II 唱放

蝙蝠仔
日期 : 2017年 10月25日

入手一年終於開箱,都係多得兩位院友幫忙,重新安排過整套系統的擺位,懷着開箱興奮心情,駁好各樣接綫,登登登…………….. 開機! 頂! 電源燈唔著,三條大漢左搞右試都係搞唔掂,頂! 原來個開關係機底,真係手指粗少少都伸唔到入去開機, 終於有聲出, 但只係聽咗一首歌,兩位院友就籍詞太夜要回家,可想而知我當時心情幾down!

2

3

自從玩黑膠以來,先後分別玩過多部唱放,McIntosh MC 2300 (內置唱放);Plinius Koru;Aesthetix RHEA;Phasemation EA-1000,直到現時長駐家中的是Burmester 100,每部唱放都有各自的特點及音色,今次入手的唱放是英國品牌Avid的Pulsare II,Avid的唱放分別有四個型號,以Pulsare II為旗艦,然後順序是Pellere、Pulsus、Peller,入門級只是一萬元左右, 除了入門級的Peller外,其餘三款都是採用分體電源設計,相信Avid這樣的安排是避免花更多資源去研究如何做好唱放內的屏閉,採用分體電源方式既簡單,亦切合市場上消費者的心態!

4

Pulsare II 真係簡單易用, 最適合小弟呢類新手, 機背的輸入和輸出都配備XLR和RCA, 而正面就有輸入選擇, 增益選擇: MM (40dB), MC Low (50dB), MC Mid (60dB) 和 MC High (70B); MC的loading選擇和MM的電容值選擇等等, 調校上非常方便。

話說回來,小弟對現役的Burmester 100唱放非常滿意,那為何仍要入手Avid呢? 原因就是小弟正使用Avid的唱盤,在發燒友的心思思動力下,當然想試下一套西裝嘅滋味,就是這樣……….. 又要紮炮幾個月!

經過幾日嘅日煲夜煉,估計部唱放開始穩定下來,就揾左幾隻經常聽嘅唱片認真試試:

Nils Lofgren :Acoustic Live

9

Joe Bonamassa :Live In Amsterdam

8

Carpenters : Yesterday Once More

10

張敬軒 : Pink Dahlia

6

唱放是否寧靜? 有否多餘的訊噪? 相信是每位黑膠玩家對唱放的基本要求,由於Pulsare II使用了分體電源的關係,他在這方面處理得非常好,背景非常寧靜,音場又夠深和闊, 寧靜這部份過關, 接下來就是試聽下不同類型的音樂,播放搖滾音樂方面,在節奏非常強勁的情況下,音樂感及低音下潛力也算到位, 現場及舞台感也十分有氣氛,唯獨在電結他發出的高頻欠了一點點的辛辣味,但如果閣下不是死硬派的Rock友,這台唱放還是交足功課的!


再試人聲, 小弟分別選來 Carpenters 的 The Masquerade 及本地歌手張敬軒的"完全因你",兩首都是我非常喜愛的歌曲,經這台英國品牌唱放播放出來的音色,給我耳目一新的感覺,高音比我原先的唱放更圓滑,中頻密度很高而暖厚,低頻下潛力恰到好處,音樂感我覺得非常好,感情表達更有味道。

5

心水清嘅朋友可能會問, 我只有一台唱盤一支唱臂, 會留那一台唱放呢? 小弟比較貪心, 兩台都會留下, 哈哈...... 其實我打算再入一台唱盤, 玩mono唱頭, 就用這部性價比頗高的Pulsare II唱放去配搭,到時再同大家分享啦!

配搭器材:
Phono: Avid Pulsare II
Pre-Amp: Accustic Arts Tube Preamp II
PowerAmp : Accustic Arts Mono II
Turntable : Avid Acutus Reference SP (Abis SA1.2 Tonearm with PP1000)
Speakers : Elac 509 with Inakustik 2404 and 1603 bi-wired



關鍵字:

唱頭放大器 開箱分享





相關文章 :